Lögbundinn lífeyrissparnaður og viðbótarlífeyrissparnaður er sjaldan nægur til að viðhalda þeim lífskjörum sem vinnandi fólk hafði á síðustu árum starfsævi sinnar. Það ræðst að sjálfsögðu af því hvernig viðkomandi hyggst nýta frítíma sinn þegar starfsævi lýkur hversu miklar reglubundar tekjur af sparnaði og réttindum viðkomandi kann að þurfa á að halda.

Eitt er þó víst að ef draumurinn er að njóta lífsins á "Besta" aldri, þá þurfa þær tekjur að vera sambærilegar við atvinnutekjur viðkomandi þar sem þá eru allir dagar frídagar.

Almennt er talið að nettó útgreiðslur sparnaðar og réttindi þurfa að nema um 70% af ráðstöfunartekjum viðkomandi síðustu árin á starfsævinni.

Því miður duga áunnin lífeyrisréttindi sjaldnast til.

Það skiptir miklu máli að gera ráðstafanir strax. Yngra fólkið getur lagt lægri fjárhæð mánaðarlega vegna mögulegs tímalengdar sparnaðarins en þeir sem eldri eru.

Aðalatriðið er að hefja reglubundinn sparnað með skýr markmið að leiðarljósi.

Reglubundinn sparnaður

Tryggingar og ráðgjöf býður ekki upp á sparnaðarlausnir til skemmri tíma.

Allar okkar sparnaðarlausnir byggja á því að fjármunir séu ávaxtaðir á erlendum fjármálamörkuðum. Viðskiptavinurinn velur sjálfur áhættustig frá því að vera mjög lágt í það að vera mjög hátt og allt þar á milli.

Einn af kostunum við sparnaðarlausnir okkar er í hvaða umhverfi þær eru, en það skiptir meiru máli en margan grunnar.

Sparnaðarlausnir okkur eru í tryggingaumhverfi, sem þýðir að:

Það eru engir eignaskattar

Það eru engir erfðafjárskattar og þar sem sparnaður er af skattlögðu fé er ekki um neina tekjuskatta að ræða við útgreiðslu.

Agi:

Í þeim sparnaðarleiðum sem við bjóðum uppá er venjulega innbyggt hvatakerfi til að halda sparnaði áfram og kostnaður ef sparnaði er hætt á upphafsárum.

Það er því mikilvægt að þegar reglubundinn sparnaður er hafinn, að markmiðin séu ljós í upphafi og að mánaðarlega sparnaðarupphæðin sé ekki hærri en viðkomandi ráði vel við.

Sparnaðartími að minnsta kosti 10 ár.

Því lengri tíma sem sparað er því líklegra er að ávinningurinn verði verulegur. Í sparnaðaráætlunum sem við bjóðum upp á er ávallt miðað við reglubundinn sparnað, annað hvort mánaðarlegan eða árlegan.

Viðbótarframlög inn á reglubundinn sparnað

Eftir að reglubundinn sparnaður er hafinn má ávallt auka við hann með viðbótar inngreiðslu, þegar það er gert er ekki ráðlegt annað en að hugsa það framlag sem minnst 5 ára sparnað.

101% líftrygging

Falli viðskiptavinur frá á samningstímanum er sparnaðurinn auk 1% mótframlags greiddur út til eftirlifandi.

Þetta sparnaðarform nýtur því skattalegs hagræðis og sparnaðurinn er ekki aðfararhæfur.

Ráðgjafar T&R eru sérfræðingar í þeim sparnaðarleiðum sem við bjóðum upp á, en ákvörðun um áhættustig er ákveðið af viðskiptavininum sjálfum. Hægt er að breyta um áhættustig á samningstímanum.