Eins og flestum er kunnugt hafa staðið deilur milli ríkisskattstjóra og tryggingafélaganna um það hvort greiða skuli tekjuskatt af bótum sjúkdómatrygginga. Tryggingfélögin og vátryggingamiðlarar beittu sér fyrir breytingu á tekjuskattslögunum til samræmis við lög um vátryggingarsamninga. 14. apríl 2011 samþykkti Alþingi breytingu á tekjuskattslögunum í samræmi við tillögur sem tryggingafélögin lögðu fyrir þingið. Nýju lögin staðfesta þar með skattfrelsi bóta úr sjúkdómatryggingum og heimila skattayfirvöldum jafnframt að endurgreiða þeim bótaþegum tekjuskatt sem dreginn hafði verið af bótagreiðslum til þeirra.